Tukar cat loin Hakha lei ruah fak tuk in a sur caah khualeng ah motor pakhat hmanh a chuak khoRead More

Motor luhchuah khawh a si ti lo

Read More

Atu lio Hakha khualipi cu zarh khat chung a peh in ruah a sur peng i Hakha khualipi ah aRead More

Hakha Chum Ling Inn a cim thlu cang

Read More


Vol.3, No. 105|Zarhtin Chuak|26 June-2 July, 2015||

2015 June 18, suimilam 1:00-2:00PM kar ah Hakha khua, Dawrthar sang min a cimh ruang ah inn 18 an thialter hna i inn (11) cu an i thial lo. Inn aa thialmi hna chungkhar cu harnak tampi an tong i cuka hrawng a ummi inn poh cu an lungre a thei taktak tiah thawng kan theih.

“Hi min a cimh ruang ah cozah lei in, Thingtum (300) cu Bungzung lei in motor pathum an rak phorhter hna. Cozah riantuantu Meithat zung, palek zung, sipin zung, peng le ramkulh zung lei in an kan zawnhnawh cio. Cun Chief Minister Pu Hung Ngai pumpak zong in voihnih tiang a kan veh lioah siseh, Hakha mino bu, Dawrthar sang mino zong hmuh awk pakhat hmanh an um lo” tiah Dawrthar sang khuabawi Pu Hrang Kep nih TCP sin a chim.

Dawrthar sang nih Kedan pakhat cio, hmawca pakhat cio le puan zun 9 an kan pek i puan cu siaherh deuhmi kan pek hna. Chief Minister Pu Hung Ngai nupi le hawile nih Ks.20,000 cio, facang pikhat cio, inn 18 chung in minung pahnih cio an kan auh i an kan pek hnu ah, thil secondhand pawl zun thum cio an kan phawt. Tu hi inn cu cozah lei in thialter kan si i kan chungkhat sin ah kan um cio hna” tiah inn aa thialmi Pu Thang Tum nih The Chinland Post ah a chim.

“Hi min a cimh ruang ah kan thinphang i kan thil vialte kan laak dih i mi inn ah kan um. Inn zong hi theh i thial kan duh, cun hmundang ah inn hlan kan duh ko nain, kan fale sianginn kaimi an um caah, an umkalnak a har tuk ding a si caah tu hi lungrethei ngai in kan um ko” tiah Pi Tial Tang nih TCP sin ah a chim.

Hi kan lam hi voihnih tiang tangka tampi dih in lung ka rual cang nain tu bantuk in a cimh tikah, ka khuaruahar ko. Cozah nih tha tein an kan bawmh lio ahcun kan inn hi um thiam ding kan si ti lai lo caah kan lungre a thei ngai ko tiah Pu Thang Tum nih cun TCP sin ah a chim. The Chinland Post nih inn aa thial mi hna bia a hal cuahmah lio zong ah a cim cuahmah.

Min cimh ruang ah inn aa thial mi hna cu, Pu Thang Tum, Pu Peng Kam, Pu Tuan Vung, Pu Tum Thio, Pu Mawng Hlah, Pu Leng Mang le Pu Thang Uk hna an si tiah kan theih.

Hakha No. 3 BEHS Sianginn sy/ma le nu le pa tonbiaruahnak an ngei: Chin ramkulh sianginn ah min ngei a si

Source: HAKHA POST

Hakha, August 23
Hakha No. 3 BEHS  sianginn saya/ma, nu le pa le  sianginn committee pa hna tonbiaruahnak cu August 23, Carson Hall ah an tuah i 2013 an sianginn ah cathiam hlei pawl laksawng peknak an ngei. Hi tonbiaruahnak ah siangngakchia i an nu le an pa minung 200 leng an kai. 2013 kharpi camipuai ah anmah le cataang cio ah pakhatnak in pathumnak tiang a hmumi hna laksawng peknak an ngei.
“Hi sianginn hi kum dang zong ah Chinram kulh sianginn lakah min a ngeimi, ngakchia cathiam tampi a chuahpitu le Hakha khualipi min a thatter tawntu a si. Kan hnu kum Hakha peng 10th sungh awn kong ah cunglei upa nih an ka hal i, kaa lunghmuih ko, zeicatiah 5D in 1D tiang a hmumi an um. Myanmar ram in Japan ram kal ding ah thimmi zong ah kan i tel. An thiamnak a lang ko tiah ka leh hna. Nu le pa le saya/ma le sianginn committee i tonnak hi fimcawnnak lei riantuannak ah a sangbikmi tonbiaruahnak a si. Kan cawnpiakmi fanau hna hi an upat tikah hruaitu maw an si lai, sal dah an si lai timi ruat bu in kan zohkhenh hna a herh. Atu ah cun ngakchia hna kapkip thiamnak lei zuamnak timi a um i cu zuamnak ah Hakha peng in pakhatnak hi zatceo nak tam hmu kho usih ti ka duh. Hi zuamnak hi ngakchia zuamnak si lo in saya/ma te le nu le pa zuamnak a si kan hngalh a hau. Sianginn kip thanchonak ding ah tuanvo ngeitu nih kum khat chung planning fel tein i suai dih kan herh. Sianginn nih fale sinah phaisa a herh lomi ah hal lo le hmannak kong ah nu le pa sinah fianghlang tein theihternak tuah lengmang ding. Tuan ah cun siangakchia thatnak ding ah, saya/ma, nu le pa le committee tiin rak kal a si i atu ah cun, saya/ma, nu le pa, committee, bawmchantu (a hlusin) le cozah tiin kap nga i bawm in kal a si cang” tiah thapeknak bia a chim.

Nihin fimcawnnak aa thleng ngaingai cang. Cucaah kan sianginn ah a fellomi saya/ma um lo ding in kan i zuam. Kan sianginn a min a that peng khawhnak ding ah saya/ma le nu le pa committee thazaang tampi kan chuah a hau rih. 10th sungh awn a that peng khawhnak ding ah zanlei sianginn chuah hnu caan hlei cachimhnak zong kan tuah. Zarhte ni hmanh ah kan tuah
te men lai. Siangngakchia chung ah denrate (cycle ke belhnak i hmanmi) kha riitnak ah hmang in a dawpmi an um. Cun sianginn pawng ah zuuk hmawm khaini, kuak le ngakchia din-ei ah muici (azawng) paihmi phun zuar kan duh lo. Sianginn sikaan hi nu le pa zong nih kan zulhpiak ve u” tiah No. 3 sianginn an sayama kyi nih a chim.

“Nihin kan ram tanghra sungh awn a chiat peng nak a ruangbik cu khuate  saya/ma daithlaan ruang ah a si, khuate saya/ma an fel hlan lo paoh cu kan ram 10th result a tha kho bal lai lo” tiah No. 3 sianginn committee Chairman Dr. Bawi Hu nih a chim. “Kum khat voi khat sianginn kiangkap hninhnoternak ni tiin Zarhpi ni zing ah kan fale Church school kai lo in rian an tuanpimi hna hi kum dang ah cun kan tuahpiak ti hna hlah sehlaw kan duh” tiah
nu le pa lei in Rev. F. Za Thang nih a chim. “Kan pa le nih bia tampi an chim nain kan fale fimnak  hnukthlum a kan dinhpiaktu saya/ma te cung nu le pa aiawh in lunglawmhnak bia bel an kan chimpiak lo i hmailei ah cun kan chimpiak lengmang cang hna sehlaw kan duh, zeicatiah ni hin
bantuk hi cu nu le pa nih lunglawmhnak langhter ni a si” tiah a rak kai vemi